【點新聞報道】8號風球現正生效，天文台表明會維持至下午4時，不少打工仔享受「風假」。在「香港連登」討論區，有網民日前卻似乎小看「泰利」的威力，大概估計打唔成風，於是誇下海口——「星期一掛八號波，我維園祼跑」，並揚言「絕不走數」。
網友紛起哄「留名」等睇好戲，期待見到有人「找數」祼跑。有好心人更建議「趁凌晨一掛八號就去跑好啲，無乜人睇到」、「港鐵未收車樓主好去定維園準備」。
如今，周一（7月17日）八號風球高懸，回應的網民均引頸以待，甚至有人自告奮勇地稱「樓主，你而家喺邊，我可以直播你裸跑」。
不過，樓主疑似是「走數」慣犯，有人記得對方之前曾有「星期一恆指跌穿16000以下我直播食屎」等的留言，卻一直未見有直播食屎，因此老早已有人表明「留名睇走數」，更有人鐵定估計樓主「絕不找數」、「9成9又走數」、「準備睇走數」，並預言「當追數佬入嚟之後，條友就潛水」。
收藏
取消收藏
分享
