【點新聞報道】由李思捷主持及監製的《思家大戰》本周日（16日）晚上將播出一集，由張振朗率領的「靈戲逼人」隊，成員包括龔嘉欣、劉穎鏇、江欣燕和阮嘉敏，對戰由Gigi炎明熹大姑丈率領的「Gi朋戚友」隊，成員有細表哥細Y、表姐兼炎明熹後援會會長JY、表哥大Y和細姑丈Arwick。
「靈戲逼人」隊一班女隊員抬住振朗出場，相當架勢。「Gi朋戚友」隊則獲Gigi親臨現場支持打氣，戴着口罩的Gigi大晒招牌火星話：「大家都加油，我無話可說！」思捷問到有冇貼士畀大姑丈，Gigi再晒搞笑功說：「唔好咁緊張，今日你做Gigi。」之後大姑丈應思捷要求即場高歌，大姑丈獻唱Gigi的《好想約你》，Gigi聽後再放笑彈，「我以後都唔使唱歌喇，好勁呀！」
問答環節時，龔嘉欣上台搶答問題時，化身《靈戲逼人》中的女鬼雲柳芳，更鬼馬地匿在思捷身後嚇他，大晒可愛萌爆面。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
