庇護未批BNO Visa被拒　鄭家朗自爆或冇得留英

【點新聞報道】走咗佬去英國嘅前「香港眾志」副主席鄭家朗，噚日在社交平台話自己可能冇得留喺英國，皆因佢去咗英國年半左右，申請所謂「政治庇護」，但仲未有面試，形容「係完全有消息」，且家下連BNO visa都被拒絕，坦言覺得好迷茫「都唔知道喺英國嘅前景係點樣」。

鄭家朗喺fb發文同上載咗影片，話片入面見到佢好開心咁分享英國嘅生活，但其實佢生活上仍然有好多困難需要面對，冇同大家分享，而好多時佢都係手足無措。佢在影片提到，自己係1997年之後先出世，所以等到上年11月，英國政府宣布可以畀1997年後出世嘅港人申請BNO簽證，佢就即刻遞表申請，但3個月內都未有回覆。點知，突然間有一日就收到政府電郵，話BNO visa不獲批。

鄭家朗直指，以往英國政府係鼓勵由「政治庇護」轉為申請BNO visa，但原來喺申請緊「政治庇護」時，係唔可以申請BNO visa，但如果取消咗「政治庇護」申請，同樣都唔可以申請BNO visa，因為咁樣就係逾期居留。佢話而家要搵侓師幫手，睇吓有冇機會可以加快「政治庇護」嘅申請，之但係又遇到第二個問題，就係法援被拒絕，所以而家佢都非常之迷茫，都唔知道喺英國嘅前景係點樣，擔心唔知點算好。

相關閱讀：

通緝犯羅冠聰驚到震：會慎選出訪外遊地　你點睇？

國安處懸紅100萬通緝8人　包括郭榮鏗許智峯羅冠聰等

香港警方懸紅百萬通緝　這8名逃犯幹了什麼？