英國一踏入天氣熱少少，就出現好多烏蠅，經常會飛入屋擾擾攘攘。牠們飛行速度快而又細少，有移民英國的港人惟有苦中作樂，將拍烏蠅當成做運動，仲自嘲「嚟到英國健康咗」喎。
話說特別是一些兩層高的房屋，烏蠅最鍾意的垃圾桶就在屋旁，經常有烏蠅飛入屋中，飛入屋中後很難趕走。該名移英港人在fb群組「英國香港人生活交流區」發文，話自己嚟到英國健康咗，皆因佢將拍烏蠅當打羽毛球，間歇性打一、兩個鐘咁話。
樓主還力數拍烏蠅的好處，話可以練聽力，去廁所上落樓當做squat（深蹲），至於吸地氈就練臂力，唔開風扇就當焗桑拿喎。所以話呢，移英港人嘅阿Ｑ精神，有時真係唔到你唔服㗎。
收藏
取消收藏
分享
