【點新聞報道】由李思捷主持及監製的《思家大戰》第三季明晚（25日）播出一集，曾鈺成率領的「香港飯局」隊，成員包括徐英偉、陳凱欣、姚潔凝和劉天正，對戰樊亦敏率領的「Fan Churk」隊，成員包括陳浚霆、朱滙林、杜大偉和謝東閔。
思捷透露節目第三季第一隊便想邀請的嘉賓是《香港飯局》成員，他問曾鈺成平時有否看TVB節目，風趣幽默的曾鈺成笑言：「間中啦，你個節目我睇過一、兩次。」思捷再追問他對哪個節目印象最深刻，曾鈺成再放笑彈：「《思家大戰》啦，原來唔識嘢都可以上節目。」至於上次錄影《思家大戰》幾乎冇答過問題、坐足成晚冷板凳的樊亦敏，今次以「Fan Churk」隊捲土重來，擺明車馬要「一雪前恥」。
今集「三太」樊亦敏化身「氣氛擔當」，答問題時表情多多兼跳跳紮，萌爆全場。「風少」陳浚霆則表現肉緊，搶答問題時差點撳爆鐘仔，連見慣大場面的思捷亦被嚇窒說：「你想打爆我個掣呀？」今集其中一條問題「李思捷係一個乜仔？」再令思捷成為眾矢之的，被連番攻擊是「飛仔」「衰仔」「死仔」及「懵仔」等，眾人認真「陰功」。
今集問題難度指數頗高，兩隊最終鬥到即時死亡環節。曾鈺成接受訪問時指，若能在節目贏到任何獎金獎品，都會全數撥捐公益金。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
