正所謂「口裏說不，身體卻很誠實」，不少港人移民後，卻仍留戀港人身份，更加想要雙重福利。近日有移民英國的港爸在社交平台發文，話想帶在英國出世的BB回港探親，仲想為BB申請身份證及特區護照，但就故意寫成「特衰」護照。不少網民都鬧爆他輕蔑的態度，「講到咁『特衰』，咁又何必返嚟呢？」、「咁唔鍾意本護照，但又要幫BB申請，係咪精神分裂呢？」，有網民就質疑留後路「想返來HK攞着數」。
該名移英港爸fb群組「英國香港人生活交流區」發文話，與太太在英國生了BB，BB有英國出世紙，正計劃回港探長老，但不知道從何入手。他提到，最初是打算幫BB申請身份證及「特衰」護照，惟在港親人幫忙問過香港入境處，得到回覆是入境處先要確定BB有無居留權，並要求他們先填表給居留權組等審核，但入境處表明前提是這個審核申請需要申請者(即BB)必須在港才會接納申請。
港爸發現此路不通後，遂求教網民問「有無其他移英港人有類似經驗，有其他方法幫在英出生的BB順利進入香港呢?」有網民慨嘆「本來人生理所當然嘅事…變咗徬徨無助… 都係嗰兩隻字囉：『悲涼』」。
收藏
取消收藏
分享
