買80蚊磅貓山王呻中伏　港男打開見肥蟲崩潰：唔敢再食榴槤

踏入六月，當造的水果多籮籮，受香港人歡迎的榴槤主要有來自泰國的金枕頭、越南的干腰及馬來西亞的貓山王。榴槤四季都有，但說到當造、好吃又價錢相宜，就是每年6至8月的夏季時間。不過不少人都遭遇過買榴槤被「搵笨」，買入又生又難以入口的爛榴槤。

有網民日前就在網上大呻買榴槤「中伏」經歷，不但買了個「極瘦榴槤」，裏面的果肉只有手指大小，十分瘦削，而且其中一房還有果蟲及坑洞，甚是惡心！樓主悲傷表示「小弟第一次買，中伏」，而網民就笑說「讓你買榴槤，不是買榴槤糖」、「呢個D幾？新品『手指榴槤』」、「條蟲仲肥過舊榴槤，唔好浪費」。

相關照片被上傳至Facebook群組「香港榴槤關注組」，從圖片可見，聲稱「香滑甜」的貓山王每磅售價為79.99元，而樓主買回去的榴槤體型狹長，白色果瓤極厚，果肉就如手指幼長，與樓主手指並排一看粗幼長短竟然不差分毫！但最令樓主失望的是，其中1包打開後不見果肉，只見一排果蟲及坑洞，畫面嚇人！

不少網民看完照片都替樓主感到不忿，「80蚊/磅仲要有蟲」、「你這個運氣真的沒誰了」、「好驚，如果畀我見到我都應該以後唔敢食榴槤」，也有人提醒樓主挑選榴槤時要避免形狀瘦長榴槤，「一望呢個都無肉，先唔講入面有無蟲，正常人呢個果形都唔會要」、「呢個榴連太瘦了」。