個個都話英國熱得個一兩個星期唔駛買冷氣，但當地近日溫度已升至攝氏30度以上，睇怕去到七、八月時肯定更熱。近日有移民英國的港人在社交平台抱怨，當地巴士好多都冇窗冇冷氣，有網民附和指「坐巴士上層同焗桑拿無分別」。結果就被同路人斥放負，「係咪真係有咁熱」、「嬌生慣養嘆慣世界」喎。
該名移英港人在fb群組「英國香港人生活交流區」發文，問「有冇人呢幾日搭過巴士?呢度啲巴士好多都冇窗冇冷氣，坐喺裡面會點呢？」有網民留言分享自身體驗，話「未上車前等車已好曬，上咗車坐巴士上層同焗桑拿無分別」。
結果引來同路人斥為「放負Post」，指「香港人真係嬌生慣養嘆慣世界，一回暖30度都未夠，就個個都話要買返部portable(便攜的)冷氣」，戴定頭盔話「唔係想互相批鬥，只係想睇吓係咪真係有咁熱，開風扇都唔得，一定要開冷氣」。
收藏
取消收藏
分享
