【點新聞報道】亞視於昨日（6月6日）於大埔錄影廠舉行《亞洲電視66周年台慶》晚會，行政總裁徐小明率董事及高層主持啟動禮，更言他未來重任是激活亞視。
小明哥盼透過台慶活動令外界更了解亞視未來動向：「其實壓力都好大，因為大家都問有咩搞，其實我最主要目的就係激活亞視，因為一個電視台冇製作就好似虛殼咁，起初我哋輕鬆啲，好似新聞、財經、玄學等等。今次『碌卡』叫咗好多朋友嚟幫手，嚟緊亞視都會參與一個基金，我地希望培養到人才，搵到啲好劇本。」
小明哥亦表示，現階段亞視將製作另類的綜藝節目，盼吸引更多觀眾點擊：「一個媒體機構有新聞，可以盡到社會嘅責任，今次加強咗新聞嘅力量，我們已經成立《亞視國際新聞台》，由我們的藝人陳美濤、吳玥肜、羅卿娗伙拍馬來西亞新聞團隊，為觀眾提供最新的資訊。」
節目主持陳啟泰出席台慶，他表示再為亞視拍節目感興奮：「我為亞視拍汽車節目，今次我好似監製咁，因為我地呢啲老演員都會比好多意見嘅。」
是晚還有各界人士出席，包括：商務及經濟發展局副局長陳百里、藝人陳啟泰、柳影虹、李龍基、劉錫賢、鍾叮噹、宮雪花、馬浚偉、馮素波等等，而黃渤更專程錄影為亞視送上祝賀。柳影虹及李龍基為台慶擔任表演嘉賓。虹姐表示重回亞視感興奮，希望多製作節目令業界百花齊放。至於李龍基就拒談女友用手袋裝錢一事，但自爆年底會結婚。
久未露面的陳庭威感觸亞視台慶，笑言自己「年年十八歲」，保持狀態隨時工作：「大家身體健康、快樂就可以，呢幾年我喺大馬都有做生意。（感情呢？）啊……我仲係……自由身！你知以前係『地下情』，唔知邊個咩？咁約出嚟食飯見吓囉。」
馬浚偉支持徐小明出席台慶，認為亞視做網台有更大發展：「佢地有需要而我又做到，我一定會支持佢，不過依家我都忙緊返學，可能做監製開心啲，因為可以指人做嘢，可能呢啲層面合作會易啲。」
（點新聞特約記者陳惠芳報道）
收藏
取消收藏
分享
