【點新聞報道】王梓軒有感過去3年疫情對不少人心理造成負面影響，他藉37歲生日會跟粉絲聚會外，並為大家洗滌心靈，以及做善事捐助「香港癌症基金會」。
日前梓軒跟百位粉絲在尖沙咀舉行生日會，並捐出80件的珍藏籌款，當中最具紀念價值的就是當年他參加《中國好歌曲》的木結他，有粉絲以1萬元成功投得。在6月份內粉絲都可以透過官方專頁競投其珍藏物品，他希望可以透過今次義賣籌得10萬元善款。
較早前，王梓軒跟多位鐵粉閒聊，言談間梓軒發現他們因疫情出現不少負面情緒，有粉絲更跟他傾到落淚，「我聽咗佢哋嘅分享，首先覺得心痛，呢個生日不如唔好嚟慶祝我，不如換個方式同大家見面啦！大家都可以在心靈上、健康上，得到一個提升，希望令大家活得更開心，所以今次個活動有兩個主題；一個係身心靈嘅健康，所以嗰日有冥想、藝術治療，亦都有慈善，我哋聯同咗香港癌症基金會再合作。」
活動上，梓軒多次宣揚「正念」，表示做人要有目標，睇得清楚，有一種期待，這個是最大的推動力，他爺爺也在疫情中離世，當時也令他有種無力感及無助，「我嘗試去搵個清靜嘅思維空間，當時碰上一個冥想，清空自己嘅雜念，開始展望未來，逆境之中會慢慢好嘅。」
說起生日願望，梓軒希望事業上有新突破，身份上除了歌手唱歌、演員拍戲外，更有一個新的身份，「我開始做監製嘅工作，開始度一啲電影、電視項目，今次成日講話「正念」，set一個目標去實行，我都許下一個承諾，2024年年底前，我一定要宣布到第一部有份製作嘅電影，暫名係《The Handler》。
（點新聞特約記者陳惠芳報道）
收藏
取消收藏
分享
