【點新聞報道】《隱門》昨晚（2日）一集黃智雯(Mandy)的丈夫黃子恒突然離奇遇溺身亡，並化成「幻影」向心月索命。Mandy面對亡夫屍體及亡夫幻影「夾擊」的殮房場口，由於眼淚及眼神均十分到位，則獲讚「冇得頂」。
由於子恒於劇中角色浸死收場，子恒透露要Keep住整濕身扮幻影：「拍嗰陣天氣都幾凍，我個造型長期都要濕漉漉、滴曬水咁，所以每個Shot都要補啲水，拍嘅時候係凍嘅。」並謂因不想嚇親同事，故化了妝後即使休息時間也不敢四圍走：「唔好嚇親人。」
昨晚另一場口是陳展鵬為了救Mandy，瘋狂跳欄兼街頭飛奔疾走一幕。根據無綫官網發放花絮片，展鵬一個箭步輕鬆跨過欄桿之餘，更能緊接完美落地做出奔跑動作。完成連串高難度動作的展鵬，最終竟被「開車門」考起，皆因除了要開得有型、還要開得及時，才能與車內的Mandy與吳岱融夾好Timing。搞笑的是，之前已為傷及對手趙樂賢感到內疚的吳岱融，原來該幕戲又再踢中展鵬，不過「旁觀者」的Mandy笑得很開心，展鵬應該無穿無爛。
(點新聞特約記者陳惠等報道)
收藏
取消收藏
分享
稿件由上傳 · 文責自負 · 不代表本網立場
