點新聞 ｜ 每日點新聞 點解香港事

【點新聞報道】《隱門》昨晚（6月1日）播出的一集是飾葉嘯天的吳岱融Solo作。無綫官網發放最新花絮片，一個對四個的他，擸起摺櫈見人就劈、狠樣玩鐵叉拮手之餘，更一個箭步已成功攝入枱底，敏捷又柔軟。對於他流暢完成連串打鬥，台前幕後無不熱烈鼓掌，同場飾演茶餐廳老闆的煒烈更笑言要力推天哥做視帝。

吴岱融與仇家「獨耳」（趙樂賢飾）肉搏時，因用力過猛扑爆水樽蓋，並意外打到令對手嗌痛。吳岱融受訪時表示要鄭重向對方道歉，皆因已不是一次令趙樂賢受苦：「我好多位唔小心打到佢，嗰個樽（打落去）佢真係痛嘅。仲有場咬耳仔，因為我咬嗰吓太近，其實可以唔使講嘢，但我太投入冇為意係咁講，搞到佢聾咁滯。呢位演員我真係對佢唔住，我要鄭重向佢講對唔住。」

之前在《隱形戰隊》飾演瘋癲鏗少一角贏盡好評的阮浩棕，今次轉飾演暖男，每當家姐有難時必定第一時間挺身拯救，加上外型敦厚，成功入屋獲讚「靚仔新面孔」。浩棕受訪時，透露是首度在劇集擔任如此重戲份角色，故壓力很大。他又感激飾演家姐的黃智雯（Mandy）幫忙帶入戲，戲內戲外均十分照顧他：「到依家我私底下都叫佢做家姐架！」

談到與吳岱融演父子，阮浩棕笑言要打醒十二分精神：「因為要準備好同岱融哥對戲，好好玩又好刺激，我都因為咁成長咗好多。雖然鏡頭下嘅岱融哥氣場好恐怖，但私底下佢係一個好nice同好好玩嘅前輩嚟。」

（點新聞特約記者陳惠芳報道）