【點新聞報道】由林盛斌（Bob）和金剛主持的TVB節目《新濠風尚呈獻：濠玩夏水禮》，一連四集同一眾俊男美女到澳門新濠影滙拍攝，大玩水上激戰。對於兩人首度聯手做主持，Bob形容「佢有佢搞笑，我有我騎呢，觀眾會有新鮮感」，又稱「字幕好重要，大家到遊戲規則嘅位，聽唔明金鋼講咩，要睇字幕」。
雖然拍外景兼「玩水」，但六位TVB小花只以T恤造型見人。Bob同金剛異口同聲地指責女士們「冇咩嘢睇」，又點名批評傅嘉莉「穿著一件頭泳衣」，大失所望，直言自己「好耐都冇震撼過」。
被問到「最想同邊位女藝人玩水」，Bob提到，會遊說監製，邀請細細粒（陳嘉佳）參與，「佢跑過嚟已經係海潚級」，「實好睇兼好拍到唔捨得走」。金鋼亦笑言，想跟Bob一樣，請來自己拍擋小儀，「相信以佢嘅身高，浸在水裏，好大機會睇唔到頭」。兩人越說越興奮：「兩對CP，真係冇得頂！拍幾日幾夜，我都得。」
提到Bob的潑水技術，兩隊隊員都讚不絕口。傅嘉莉（Kelly）表示，「Bob爺潑水經驗老到，攻擊性強，識得用『刀片式潑水』，全程帶住我哋隊」。她形容，今次潑水相當激烈，「大家將彼此之間的恩怨情仇，攻心鬥計都釋放出來」。
朱智賢（Ashley）也笑言，「之前拍《大玩特玩》時，已經同Bob合作，知道佢櫳嘢」，「Bob心地唔好，知你唔嬲，起勢咁潑你，毫不留情」。她認為，拍外景始終比廠景好，可以見到藍天白雲，「Bob對我幾衰都好，但今次是我2023年首次的下水禮，都是個美好回憶」。
至於最具挑戰性的環節，Kelly指自己第一次參與水上遊戲節目，同時是人生首度跳水，形容要由離地三米多跳下去，始終會有點緊張。Ashley則認為，鬥快站上浮台較困難，尤其是要抵受潑水攻擊，「無辦法打開雙眼，鼻孔入水，糾唔到氣之餘，仲要花時間去平衡」。
有趣的是，Ashley作為遊戲節目常客，向來同拍檔劉溫馨被封為「豬隊友」，今次都不例外，「嫌棄智商太高，金剛嫌棄我，Bob就話要送走劉溫馨」。不過，Ashley就由「豬隊友」升級做「神隊友」，有興趣的朋友，切勿錯過TVB節目《新濠風尚呈獻：濠玩夏水禮》。
（點新聞記者王俊傑報道）
收藏
取消收藏
分享
