飲食節目《肥媽李鼎》今晚（17日）播出新一集，主題是「極愛極恨娛樂圈」。
肥媽和李家鼎（鼎爺）分享藝人「高山低谷」故事，肥媽說：「嗰時梁家輝，人哋做埋影帝添啦，都係喺街賣電話，冇嘢係唔得嘅，靠自己努力去賺錢，冇人睇你唔起。」鼎爺則指影帝周潤發當年很捱得：「一條面巾、一支牙膏、一支牙刷，喺化妝間借公司道具組張尼龍床瞓咗幾年。佢喺電視圈有少少名之後，就有人搵佢拍戲，點知部部都死，畀人叫佢做票房毒藥。」鼎爺再分享視帝黎耀祥的辛酸史，鼎爺透露祥哥演完《西遊記》豬八戒後，事業曾經跌落谷底，更一度想過要轉行，幸好祥哥後來遇上「柴九」這個角色，成就其登上事業高峰。
身為娛圈新丁的游游，還請教兩位前輩小錦囊，肥媽教路：「隻眼要打開，隻耳要打開，隻嘴要收埋。」鼎爺則說：「早到遲走，坐埋一邊，睇人哋邊度好邊度唔好。」肥媽之後問到入行4年的游游想有幾紅？游游說：「相對於紅唔紅，我其實想賺到錢多啲。」肥媽聞言即說：「呢句洗咗佢，對住塊鏡同自己講，我一定會紅、我一定會紅、我一定會紅，真係有用㗎，我最窮嗰時都係咁樣對住塊鏡咁講。」
(點新聞特約記者陳惠芳報道)
相關報道：
收藏
取消收藏
分享
稿件由上傳 · 文責自負 · 不代表本網立場
