【點新聞報道】《中年好聲音 追夢之旅》於明晚（14日）播映，節目由支嚳儀、曹敏寶擔任主持，四處尋找周吉佩、李佳、龍婷、顏志恒、吳大強等同伴，訪問他們比賽後的轉變和收穫，引領觀眾回味他們的「追夢之旅」。
冠軍周吉佩說：「經歷咗好多起起跌跌，有無數次想法係想放棄，從來追夢都係自私行為，同太太一開始係冇共識，係我呈現到畀佢睇我內心原來真係咁堅持，所以都好多謝太太嘅支持，令我每一集都比之前更加好。」另一最大收穫，吉吉笑言是與顏志恒、魏嘉信結成好兄弟，三位除了同樣熱愛唱歌，另一共同點就是大家都是喊包。
第二名的李佳坦言不會放棄歌唱老師的工作，她說：「學生一路嘅支持係我最大嘅動力。」李佳又言與龍婷成為閨密，她開始不知道龍婷的背景，後來她在Youtube看片，才知她開始時好Cool。」龍婷則大讚李佳性格好，她說：「佢唔係好鍾意鬥，就算去到決賽，正常未到嗰日都唔希望對手知咁多，但佢自己同我講會揀啲咩歌。」李佳再指與龍婷同是「女漢子」，她說：「有一次喺綵排，中間有啲時間就話不如去食火鍋，我哋竟然就去咗海邊食火鍋！」
第三名的羅啟豪，直言自己有很大的轉變，他說：「我都唔認得依家嘅我，一開始講嘢、揸咪唱歌係震曬，到咗依家好多人話我係180度嘅轉變，但我覺得未到完全自然。」在決賽一舞成名的啟豪，透露之後還想嘗試跳舞，年紀最大的吳大強則說：「雖然年紀大咗，但都希望老有所為。」大強又指《中年好聲音》在自己心中是無可替代，他說：「我一生人只有一次咋，得到好多人認同我唱歌，真係無比嘅驕傲。」
夫妻檔參加比賽的鄺凱剛和陳嘉璐傳來好消息，原來陳嘉璐已經懷孕33周，鄺凱剛說：「人生好奇妙，參加咗呢次比賽之後，竟然有咗我哋嘅小生命。」陳嘉璐則說：「真係冇預期，報咗名之後先知道，所有嘢都係真係冇安排之下安排咗咁。」
（點新聞特約記者陳惠芳報道）
收藏
取消收藏
分享
