友情細水長流 温拿野外夾Band出新歌

【點新聞報道】溫拿樂隊聚首一堂炮製新作《由始至今》，譚詠麟與B哥哥鍾鎮濤共同作曲，由校長填上真摯直白的歌詞，記下歷年來的心跡。

溫拿五虎更為新歌拍攝MV，特意挑選新界一個營地拍攝，製作團隊更為他們準備樂器及音響系統，讓五位大男孩野外夾Band過足癮！他們興奮說：「以前圍住個營火，攞支木結他唱下就有，露營夾band真係第一次呀！」首發新歌由校長與B哥哥合寫，有次校長到B哥哥家中作客，說起要籌備新歌，很自然地B哥哥拿起結他，校長哼唱旋律，再將溫拿的點滴寫入歌詞，B哥哥說：「本身有諗過搵人寫歌詞，但係寫溫拿冇人夠我哋熟！」

談到新歌創作，彭健新幽默說：「佢哋(校長與B哥哥)好好人呀！話『你放心，點都留番句你唱嘅』，真係得一句！哈哈！我歌星嚟㗎嘛！」在旁的陳友再加一句：「我哋要上《中年好聲音》呀！哈哈！」阿強久不久才回香港，陳友想起以前叫阿強有個花名叫「豬頭強」，現在變成「白頭強」，阿強說：「唔知係咪掛住香港，掛到頭都白埋。」

溫拿五虎玩得又有活力，陳友說：「我哋唔係好大啫，都係啱啱『登七』之嘛。人生七十唔係好多，但我哋仲可以仲壯壯健健，仲感受真係好正能量㗎！」他續說：「今日唔知聽日事，有得唱就唱，開心就開心囉，一路踩落去，踩多30年夠唔夠呀？哈哈！」B哥哥表示這就是溫拿精神。校長說：「有人話過我哋好似一幅畫，有高有矮，有肥有瘦，係一個緣份嚟，可以將呢份友誼細水長流帶出嚟，可以融洽相處咁多年要好好珍惜。」陳友又寄語年輕一代：「啲年輕人成日問我點樣可以玩band成功，秘訣就係要溝通，有啲嘢傾下傾下就掂㗎喇！」

（點新聞特約記者陳惠芳报道）