
很多港人移民英國都是因為看中當地高等教育水平,不過近日有港人就大呻「被個東歐Miss極嚴勵地肥佬」,話自己喺當地生活已經唔第一次畀東歐嘅人搞,形容東歐人好強勢,又好似好喜歡人阿諛奉承,問網民「有冇經驗點樣可以同哋相處?」究竟係「玻璃心」定係被針對,真係見人見智喇。不過,有網民就叫佢唔好乜嘢到扯到香港人嘅事咁,「你自己onX唔好代表成個香港啦」。
該名移英港人在網上發文話「今日上堂被個東歐Miss極嚴勵地肥佬」,直言「其實喺呢度生活咗咁耐,已經唔第一次畀東歐嘅人搞,真係好想問吓大家有冇經驗點樣可以同佢哋相處?」事源樓主喺上咗幾個月堂嘅時候,已經發現到該名女老師唔係咁友善,主要因為上堂嘅時候其他同學都好鍾意發表意見,雖然有時他都想發言,但插唔到咀。
樓主認為,這是源於「香港人上堂就習慣咗老師講、同學仔就聽上堂,參與度係真係日好低」,亦懷疑因為呢個原因,該女教師從此就開始對他留下唔係咁好嘅印象和態度。不過,樓主強調自己喺交功課同埋上堂出席率,都係做到最好。樓主又形容「東歐人佢哋好強勢,然後又好似好喜歡人阿諛奉承」,坦言「明白呢個係全世界嘅人都鍾意,但係香港人就好少會做到咁出面」喎。
有網民看後直搖頭,指樓主「將自己嘅不足歸咎於其他國籍嘅人對自己唔好」,亦有網民話「點解總有人好鍾意將自己問題扯到去關所有香港人事咁,香港人點點點,你自己onX唔好代表成個香港啦」。



稿件由上傳 · 文責自負 · 不代表本網立場