《中年好聲音》總冠軍周吉佩（吉吉）日前接受無綫《Star Talk》專訪，他直言吳大強（Bill哥哥）、龍婷及支嚳儀（Venus）均是他的學習對象。
Bill哥哥已年屆71歲，吉吉最佩服對方精力依然旺盛：「佢好有風采好瀟灑，有時我哋綵排到凌晨一、兩點，我行埋去問佢攰唔攰，佢次次都話：『攰咩？』佢係真犀利。」至於龍婷，吉吉最欣賞對方有自信、有想法及了解自己；而Venus令吉吉最欣賞的地方是其正向思想：「佢面對唔好嘅評語都可以好從容，好佩服佢EQ。」
吉吉一路走來不易，並經歷了三起三跌。他說：「有日我企喺窗邊，望望吓覺得自己人生咩都失敗，做乜都唔順，我問自己仲堅持嚟做乜，嗰吓有少少想就咁算」、「又有一日我臨瞓前突然（覺得）好似有個人用手壓住我個心咁，唔係好唞到氣。」幸好吉吉有及時意識到問題，並靠家人的支持及陪伴走出陰霾。
其中第三個低潮，是吉吉自獲得《中年》總冠軍後，一直備受爆冷傳聞困擾。吉吉雖曾因此影響自信甚至失眠，但卻沒有被擊倒，見慣風浪的他立定決心先把現在做好。另外吉吉點名感謝了黎瑞恩：「佢成日教我哋好多嘢，教我哋做人要謙虛同埋要準時。佢又畀機會sp'ACE喺紅館唱咗一隻我哋自己嘅歌，我諗我人生再冇可能有呢啲機會。」
談到太太，吉吉笑言比賽初期太太黃彥欣不但沒有親臨錄影廠支持，甚至對於吉吉出門參賽也是零反應。直到吉吉得到「復活」機會，阿欣才由冷淡轉為支持，不但對吉吉噓寒問暖，更落手落腳為吉吉揀選出賽歌。主持笑問吉吉太太是否「口不對心」類型、明明支持卻扮作不支持時，吉吉竟反應很大斷言：「你唔使幫佢講好說話喇，佢係直到覺得原來仲有人欣賞我，態度先180度轉變。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
