歌手張敬軒（軒仔）去年因為感染新冠暫停了的《Revisit張敬軒演唱會》，日前宣布除補場日期外還加開6場演出至11場。昨晚（20日）軒仔久違地在社交平台開直播與粉絲分享心情，更眼紅紅自曝張爸爸日前昏迷險出事。
甚少提及家事的軒仔在直播尾聲突然眼紅紅，並透露張爸爸早前在家突然昏迷，差點踏入「鬼門關」：「本身冇諗住講，不過呢個夜深人靜嘅時候都係比較感性。」他表示父母於倫敦時確診新冠，返港後於香港停留一個多星期便回廣州，軒仔本打算趕完新歌MV後便回廣州探望，有一日他與阿媽打電話時才得知，爸爸由於新冠的一些後遺症，在家中突然昏迷，好彩當晚醒來情況穩定。
軒仔坦言經過今次事件，他終於解決了近五年來一個最大的問題：「就係我阿爸阿媽終於肯搬嚟香港啦！」軒仔透露將會開始安排父母於香港的生活：「可以照顧到佢哋啦，唔駛做嘢時又可以返去食飯陪佢哋，有啲乜嘢都可以照顧得到，所以我好想同大家分享！我覺得喺一個屋企嚟講，照顧到佢哋，喺人生呢個階段係好重要。」
相關報道：
收藏
取消收藏
分享
