生鏽冷氣機隨時變都市炸彈！最近有將軍澳居民發現鄰居單位的冷氣機整個外殼嚴重生鏽，底部仲有剝落的情況，擔心會在今個風季被吹落街。不少網民見狀都擔心會從高處墮下，造成人命傷亡，建議盡早通知鄰居或管理處，以免發生悲劇。
該名居於將軍澳的網民在fb群組「將軍澳主場」上傳相片，顯示一座大廈的單位外牆有一部冷氣機的外殼近乎完全生鏽，底部的位置甚至已經腐蝕剝落，簷篷上亦有生鏽碎片。樓主擔心「唔知今個風季隔籬屋部冷氣機會唔會被吹落街......早排都仲見佢有開着......」。
帖文一出，即引起許多將軍澳街坊關注，紛紛留言稱「通知聲業主好喎」、「跌落街整到人，佢賣樓都唔掂」、「話聲佢聽好喎，佢未必知道個情況咁差」、「好恐怖…快啲搵管理處」。另有網民則驚訝該部冷氣機仍能正常運作，笑言「歷盡滄桑嘅樣子仍然屹立不倒」，但有人則「擔心佢著火多啲」。
收藏
取消收藏
分享
稿件由上傳 · 文責自負 · 不代表本網立場
