很多黄絲拿起BNO就學人移民到英國去，但遇着通脹高企的社會環境下，一班靠積蓄度日的黄絲根本不好過，有部分人已產生動搖，諗住可能住滿5年獲得居留權便回流香港，皆因香港始終較多發展機會。近日有黃絲在網上發文話「好多朋友都話疫情過咗，返香港都容易」，試探谷友「有冇都係咁打算?」，結果一大班同路人附和，全部都密謀回港發圍。
該名移英黃絲在fb群組「從零開始移民英國:香港人圍爐區」發文話，「好多朋友都話疫情過咗，返香港都容易。去英國當去長旅行，唔使咁壓力話一去不返，『5+1』後到時去第二度又得」，問一班同路人有冇咁嘅打算。
帖文一出，即引來不少同路人留言，話「如果入了英國籍，到時大把BNOers Visa回流香港搵銀，即刻拜拜UK」、「『5+1』後，BNO轉了 BC，即入了英籍後，我打算回香港及中國發展做生意，我相信在香港發展比在英國好得多，起碼抽稅輕過UK」。
即使是專業人士又如何呢？有人就話「『5+1』後，香港啲專業人士即刻炒英國啲公司魷魚，不需被逼做最低工資的倉務員、送貨員、收銀員、侍應生、地盤雜工、工廠包裝員等，即刻回港做返專業人士，收入是英國3、4、5、6倍或10倍以上！」可謂吐氣揚眉咁話喎。
收藏
取消收藏
分享
