沙田懷疑出現「拐子婆」?!有港媽在網上發文表示，日前與丈夫帶3歲兒子去沙田某遊樂場玩，其間兒子突然不見了，嚇得他們四處尋找。好彩有一位機警的媽媽目睹樓主的兒子單獨跑入商場，然後有位婆婆行過拖住他，便即時上前制止，並將孩子帶回遊樂場。港媽心有餘悸地表示，「我完全唔敢想像如果嗰刻唔係有您既幫忙，我會發生咩事！」
該名港媽在fb群組「沙田之友」發文，指4月11日下午約4點，與丈夫帶同子女到沙田某商場遊樂場遊玩。港媽揹著小女兒在一邊等候，因聽到有小朋友講滑梯有推撞的情況，所以致電給丈夫叫他上滑梯架看好兒子，豈料，接完電話，就發現兒子已經不見了。兩人即刻分頭去搵，「轉咗幾個圈都搵唔到個仔，巴士同出口嘅地方搵唔到」，正當港媽找向職員求助時，丈夫致電指找到兒子了。
原來有一位媽媽由公園行返回商場時，見到樓主兒子單獨跑入商場，然後有個婆婆行過拖着他。這位媽媽覺得有可疑，於是上前將孩子帶回遊樂場，「我個仔入返遊樂場後冇即刻搵返我哋，而係再上返滑梯架玩」。直至樓主丈夫發現兒子身影，「嗰位媽媽見到我先生出現後就問係咪家長，同埋將剛剛發生嘅事講返畀我先生知」。
港媽表示，唔敢諗婆婆拖走兒子的原因，「係想幫佢搵返父母定係想帶走佢」，亦沒有證據懷疑，「畢竟係我哋冇睇實小朋友畀佢離開咗公園仲自己入埋商場先」。她表示，會和丈夫汲取今次教訓，「以後會睇實啲，都希望各位睇到嘅家長要再小心睇實小朋友」。港媽又讚揚那位媽媽細心同警惕，並衷心感謝她，直言「我去到搵職員幫忙嗰刻真係差啲喊出嚟同暈低。」
收藏
取消收藏
分享
稿件由上傳 · 文責自負 · 不代表本網立場
