關心妍（Jade）近日密鑼緊鼓為《妍亮慈善福音演唱會》練歌，這日與囡囡心心現身Band房綵排，見到Jade狀態大好演繹金曲，當囡囡綵排完更不捨攬住媽咪，反問「聽朝會唔會見到你」，非常溫馨！
Jade指囡囡表演項目有「眉目」，但未落實是否會亮相紅館：「佢呢排話學校跳遠成績唔錯，但係紅館點俾佢跳真係未諗到！其實佢都好希望再上台唱歌，希望到時佢唔會唱到唔捨得走啦！」
個唱舉行在即，Jade坦言壓力爆煲，更連續多晚失眠「冇覺好瞓」：「其實我本身係一個睡寶寶嚟嘅，但越近騷期我就越緊張，仲有時會瞓唔到添，因為我地一個人做緊十樣嘢，老公依家係分飛專員，見到佢枱面幾千張飛真係頭都暈，完騷要煮餐好嘅比佢食！」雖然工作量排山倒海，不過Jade有好朋友支持，更義助擔任嘉賓：「演唱會會有十個嘉賓上台，有啲朋友呢刻仲喺外地，專登趕翻嚟出席！」
此外，昨日是衛蘭及衛詩生日，仍繼續為Jade音樂會綵排，林欣彤及鄧萃雯更帶來蛋糕為她們慶祝。
（點新聞時約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
