再有移英港媽上網吐苦水，指「住得愈耐，愈同本地人相處，就發現自己難以融入英國的生活」，直言「文化差異，真係唔太容易接受」。然而，一番真心話，卻惹嚟一班只准報喜不報憂嘅移英黃絲圍剿，有移英「黃師」就發文鬧爆「為放負而放負，為出片而出片」。唔少網民都嚟食花生，話「兩個都白卡，打和啦」、「五十步笑百步」。
最近一位YouTuber「Moon媽在英生活」拍片分享移英感受，直言「移民2年都融入唔到」，她列出頂唔順英國人8個生活習慣，包括：早上沖涼/唔係日日沖涼、唔着拖鞋/入屋唔除鞋、洗碗唔沖水、食薯片餅乾做正餐；食物跌咗落地照食；肉類唔洗就食；英國人唔怕凍，以及英國人的「英式幽默」。但她都戴定頭盔話，「其實都唔算負面，我講嘅都係真話」。
不過，一班移英黃絲就唔多受，在該視頻評論區留下負評，有人質疑「Moon媽」以偏概全，散播移英生活嘅負面信息。而網名為「香港老師也移民」嘅移英「黃師」亦摻一腳，在社交平台發文鬧爆「Moon媽」完全是歧視，「為放負而放負，為出片而出片」，嘲諷「而家啲YouTuber真好做」。
收藏
取消收藏
分享
稿件由上傳 · 文責自負 · 不代表本網立場
