今年是張國榮（哥哥）逝世20周年，環球「《想》張國榮20周年致敬音樂會」昨晚（4月1日）於會展舉行，參與嘉賓包括有黎明、陳慧琳（Kelly）、許志安、梁詠琪（GiGi）、江海迦（Aga）、曾比特、梁漢文、蘇永康、炎明熹、陳葦璇等，他們用歌聲向這位一代巨星致敬。
音樂會由黎明（Leon）擔任開場嘉賓。打頭陣的Leon現身令觀眾歡呼尖叫，Leon共獻唱三首歌《當年情》、《明星》及《為你鍾情》。接著梁詠琪演唱《側面》、《寂寞夜晚》。Gigi說：「哥哥係一位不可多得嘅藝人，風度翩翩，心地善良，為電影界、音樂界作出好大貢獻，今晚我同你哋一樣好掛住佢，送畀大家一首《寂寞夜晚》！」
陳慧琳今次演唱《誰令你心痴》及《柔情蜜意》，Kelly在台上說出當年點滴，她說：「我同哥哥的合作唔係幕前，係幕後。2000年我同郭富城合作拍電影《小親親》，導演奚仲文都有份參與，仲文同哥哥係好朋友。佢請咗哥哥教我演戲，現在回想都覺得不可思議，點解他會肯。當時我同鍾珍、仲文去咗哥哥加多利山屋企上堂，哥哥好有效率，教我幾場重要嘅戲，他係一撻入戲，仲幫我設計小動作細節，所有事好全面，如果當年同哥哥合作唔係幕後、而係幕前合唱呢首歌，係咪更好呢？」隨後她唱出《誰令你心痴》，唱畢她又說：「好掛念哥哥。」
梁漢文演唱哥哥的《想妳》，他在台上表示，自少愛聽哥哥的歌，他1990年入行時，很希望有機會見到哥哥，但哥哥於89年封咪。直至1996年，他有機會客串演出《金枝玉葉2》，當時在化妝間好緊張，心想見到哥哥說些什麼？估不到哥哥開門進來時，竟然是唱着《纏綿遊戲》，還拍一拍他的肩膊說：「梁漢文！」當時真是嚇呆了，內心像吃了十粒方糖般甜。
蘇永康演唱《最冷一天》，他指這首歌陪伴他度過不開心、失意的時候！他又說：「我1985年第一次去紅館睇佢演唱會，佢叫我入後台，當時着住浴袍攤咗喺度，掟咗個蘋果畀我，問我好唔好睇，佢係一個好溫暖嘅人。」
已有一段日子沒有踏足舞台的許志安，今次揀唱哥哥的經典歌曲《追》，他的出場令觀眾送上歡呼聲，他亦微笑向台下觀眾揮手打招呼，他唱畢說：「多謝你哋、多謝Leslie。」
新世代歌手炎明熹唱出《今生今世》、《路過蜻蜓》，其演繹情深。接着曾比特演唱了《無心睡眠》及《有誰共嗚》，曾比特邊唱邊跳極之落力，台下不少fans大叫:「阿mike! 曾比特！」最後由江海迦壓軸登場，唱出《拒絕再玩》、《小明星》及《有心人》，令音樂會圓滿結束。
（點新聞特約記者陳惠芳報道）
收藏
取消收藏
分享
