點新聞 | 每日點新聞 點解香港事

每日點新聞 點解香港事
下載APP
標籤

友情何價?度縮無極限? 連登仔控訴老友新婚紅事當白事搞

雖說是百無禁忌,但有港男居然將「婚事當白事搞」!有男網民在連登討論區發帖,公審一名新婚男友人超級度縮,結婚當日不但當班兄弟係「阿四」點佢哋周圍走,要隨傳隨到,但就只係畀$100利是,女家仲離譜,畀$20利是兄弟。而為咗慳錢,book唔夠房,要兄弟瞓浴缸。更匪夷所思的是,因為女家做開白事生意,為咗慳錢,就以殯儀館名義book巴士,以喪禮巴士接送,搞到連司機都問佢哋究竟係做白事定紅事。

該男網民昨在連登討論區,以「新婚夫婦度縮婚禮 紅事當白事搞 兄弟都冇面俾」為題發帖。樓主坦言「我都忍得你耐」,先細數港男過去「度縮孤寒」、「貪小便宜」,後來識到女朋友時,更「喺我面前亂咁話人哋葡萄你」。

樓主提到幫港男搞求婚,「但你就咩都唔做約癱咗係張床」,而「問你點求婚,你就話企係度向人哋求婚,問你邊個幫手拍片,初時就話邊需要拍片。求婚求到你咁前衛,要人教你先識得單膝跪地求婚,我都真係第一次見。」而該港男的結婚請帖都是在結婚當日才派給他們,「話開間房畀我哋瞓」,結果只是兩間雙人床房,「我呢啲單丁嘅就焗住瞓浴缸。」

到婚禮當日,樓主指港男的行程左改右改「亂到飛起」,「我哋問你行程,你都唔知道個行程係點。」然後當兄弟是「condom」,「笨就搵足我哋,唔係收得你利是都大晒㗎!咩都我哋搬,幫手拎少少好輕嘅嘢都唔肯,落緊雨又唔肯幫我哋擔遮,全部隔岸觀火。」

樓主又透露,該港男不願為兄弟租伴郎衫,因為嫌「$500好貴」;又唔提供休息室畀兄弟伴娘,「拉走啲幫手嘅兄弟,14:30叫人哋出去自己去搵新嘢搞,16:30前返嚟。」兄弟出去不久,又傳短訊要提前15:15要返到酒店,「家陣我哋係咪醫生?on call 36小時?」直言「幾個兄弟幾想即走,有啲嘢唔係淨係講sorry就大晒」。

樓主又指,「知女家做開白事生意,咁應該更知道利是個數,不懂人情嘅都知點都有個價。」樓主勢估唔到係咁友情啫,「女家畀$20,男家畀$100」,作為司儀的樓主,獲「女家再送多$20畀我」,惟「宵夜我仲要倒貼$100出嚟。」樓主批評:「好心咪咁度縮啦,仲以為我哋收晒你錢,就要做到成隻狗咁既樣任勞任怨。」

樓主再大數該港男度縮招數,花車又唔租,旅遊巴就用殯儀館嘅名義去做,「畀個司機問我哋究呢單係紅事定白事,真係大吉利是,百無禁忌。」樓主指,「咁又係人哋個個結婚都使四、五十萬,佢就係靠咁X度縮先縮到去廿萬」。樓主揶揄「不如索性係老本行個度搞婚禮咪算囉,又新穎又平,實有折㗎喎。」

最後,樓主提到該對新婚夫婦的結婚相,指港男鍾意巴士唔係問題,但「可唔可以唔好咁cheap?着晒裙褂西裝走去巴士總站,求其搵架巴士影相,唔老尷我都尷啦!」,連畀錢租架巴士嚟影婚紗相都慳返。樓主表示,「可能有人話我,佢咁衰就一早走啦」,「始終呢啲係我嘅責任,就算我幾火都好,我都會努力做埋場戲去!」要唔要unfriend就悉隨尊便喎。

收藏收藏
取消收藏取消收藏
稿件由上傳 · 文責自負 · 不代表本網立場

友情何價?度縮無極限? 連登仔控訴老友新婚紅事當白事搞

收藏收藏
取消收藏取消收藏
稿件由上傳 · 文責自負 · 不代表本網立場
相關推薦