無綫劇集《隱形戰隊》昨晚（24日）播出的第15集繼續圍繞「拐賣少女事件」，劉穎鏇（Tiffany）經過多輪特訓踩入虎穴，展開連場追逐及搏火，十分刺激。
劉穎鏇與江美儀於劇中飾演母女，談到女兒，美儀大讚乖巧又聽話，並謂很難忘第一日與女兒開工的搞笑事：「嗰日開廠景，你知佢啲衫幾薄架喇，我又醒唔起個廠好凍，我哋兩母女就喺度震騰騰，我問：『阿女你有冇衫着』，佢就話：『冇呀，我係得呢啲架咋』，但佢又猛話冇事。」Tiffany亦笑指每次美儀姐見到她，都叮囑她要着多件衫，並搞笑問她：「真係咁熱咩？」
昨晚Tiffany的打戲亦相當精彩，除了與Moon練閉氣一幕的飄逸秀髮Look超吸睛，之後在貨櫃將壞人淩空「打飛出去」。Tiffany與壞人之間的「牛仔褸拉扯戰」更引起網絡熱話。談到相關場口，Tiffany自揭角色造型上的小秘密：「其實我拍呢套劇時係戴住假髮嘅，因為嗰時我頭髮仲好短，所以要整一片片嘅假髮啪上頭髮度。嗰次嘅難度係，每次對手掹我件牛仔褸，都會掹鬆埋我個假髮夾，搞到我成日甩頭髮，好搞笑。至於撻嗰下，其實武師辛苦過我，佢主要係發力去做動作嗰個，而我就盡力配合番佢做到最好。」
鏡頭前熱血又好打的Tiffany，私下原來是「遴迍妹」，不但經常忘記及講錯對白，更試過拍吃藥戲份時將道具藥飛了出街也不自知。每當得悉自己蝦碌，Tiffany都會做出超可愛表情，包括吐舌、反眼、傻笑、尷尬扮走人及抱頭怪叫，可愛度爆燈。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
