由於路面經驗少，新手揸車都會膽戰心驚，日前有網民在討論區貼出一輛P牌私家車車尾，貼上「新手女司機 請多多包涵」字句。帖文一出，引來網民熱議，有人形容食咗「誠實豆沙包」、「咪幾好lor，一早講定聲大家就一就」、「咁做正確，值得一讚」。
有網民日前在fb群組「車cam L」以「見親嗰啲都係細細張……呢張就好清晰」為題發文，貼出一張P牌私家車車尾，貼上「新手女司機 請多多包涵」字句。有網民見狀便調侃，不如「加個『靚』字會包涵得多啲」、「寫新手妙齡女司機應該會多人包涵啲」。不過，有網民就提醒小心中伏，話「次次貼咗車頭都係麻甩佬」、「一開門係佬嚟嘅」、「通常入面嗰個都係麻甩佬」，正如Baby in car入面冇BB一樣」。
另有網民就質疑是「自我性別歧視」、「關係女司機咩事？係佢自己性別歧視自己」，有網民則回應稱「又未必係歧視自己嘅，我都係新手女司機，出路面有陣時比較緊張，希望大家體諒吓啫！」
收藏
取消收藏
分享
