胡定欣在劇集《廉政狙擊》中出演的屠敏有多個造型，前晚一集做gym場口，定欣在鏡頭前大曬驚人背肌，網民看畢大感嘩然。
定欣繼上星期「青春少女」Look，本周再有「曲髮賢慧闊太Look」，看得出劇組及定欣均花了不少心思塑造「輕熟女」味道。問到定欣該個場口是否劇組特地加插讓其Show Quali，她笑謂：「場戲我唔知係咪專登加畀我，好在平時都有操開，變相佢哋喺gym度叫我做拉背時，都即時可以做到而又不失效果，呢個話俾我知平時嘅準備係好緊要。」
談到有網民要求開拍「屠敏外傳」，定欣聞言即雀躍謂：「如果真係有，我相信呢個故事會再入肉啲，或者再有『屠敏2.0』呢類復仇者角色，我都好歡迎同想再挑戰，最緊要觀眾鍾意睇。」對於在劇中與蔡潔形影不離，定欣即開心Share二人差不多十年前在墨爾本首度碰頭合照：「大家都冇乜點變吖，哈哈。認識咗咁多年，今次係第一次同佢合作，大家成個過程好開心同投契，都希望將來同佢有機會做更多對手戲。」
（點新聞特約記者陳惠芳報道）
相關報道：
收藏
取消收藏
分享
