魏浚笙（Jeffrey）早前趁陽光普照，登上豪華遊艇出海拍攝高級護膚品廣告，身穿純白色恤衫的Jeffrey魅力大增，但當日氣溫驟降，加上海面不時有風浪，工作人員擔心Jeffrey受寒，他卻反而愈拍愈投入。
之後導演安排Jeffrey到船邊進行拍攝，其間Jeffrey突然飛身跳上船邊，「當日我記得拍攝嘅時候，為咗出嚟效果再好啲，我有擒上船邊俾攝影師影相同拍片，我知道嚇親客戶同工作人員，但我認為自己屬於海洋，每次見到海都會好開心。之前拍嘢試過玩快艇，見到大海就會好興奮！以前亦試過潛水，原來潛到落海底嗰種無重狀態係好正。」
Jeffrey說，「我係第一次上巨型遊艇拍廣告，感覺好奇妙，一來當日天氣好好，天空又好靚，喺度拍廣告勁chill勁開心！最開心係同呢個品牌合作，大家要嘅嘢都好一致，成件事好正！」
有陽光與海洋的加持，Jeffrey活力指數更加提升，他按導演的要求，嘗試做一些與產品互動的畫面，Jeffrey即時發揮綜藝本色，時而將產品拋高拋低，時而將產品變成積木疊高，加上生動鬼馬的表情，逗得現場工作人員笑聲不斷。
（點新聞特約記者陳惠芳報道）
收藏
分享
稿件由上傳 · 文責自負 · 不代表本網立場
