愈來愈多移民英國嘅黃絲在網大吐苦水，細數當地生活血淚，指去年落地後一直搵唔到工作，坐食山崩燒錢燒咗五個月，雖然呢一刻未諗到要跳樓，但個心已經好抑壓，成日突然呼吸好差好暈，晚晚開始喊係咪唔夠努力，但又要喺香港親朋面前報喜不報憂。樓主話唔係想放負，只係想畀打算移英的港人有個準備。
樓主在fb專頁「香港人移民英國資訊分享」投稿，話本身喺香港從事科研工作，一落地聽人話撞正年尾較難搵工，但過埋農曆新年都係一樣，前前後後申請過幾百份工，得10份有面試機會，但都係食白果。
樓主自問唔係唔努力、唔係偷懶，有睇其他工種，乜種類工都搵過，連大小送貨平台都申請埋，亦有試過搵倉務員，之唔係個啲香港人幫香港人叫留資料，但最後都係冇回覆佢。他慨嘆「一開始都知道要啲時間，但無諗過咁差，好似連送貨做倉都無得做」。
樓主又話，當地樓租係平啲，但交市政府稅都交到呆咗，加理水電等的成本，其實同香港一樣或更甚，但又要喺香港親朋面前報喜不報憂，直言已「真的到極限」咁話喎。
收藏
取消收藏
分享
稿件由上傳 · 文責自負 · 不代表本網立場
