涉參與非法「初選」正被還柙的「香港眾志」前秘書長黃之鋒，其社交平台噚日為佢上載一篇以「與明天的憂慮共存」為題的帖文，話記得有啲人喺關心同勸勉在囚人士時，總會講句「唔好為明天憂慮」，但佢認為能夠為明天憂慮，反而喺監獄嘅氛圍裏已經係難能可貴咁話。
黃之鋒喺文中話，當自己置身喺監獄內，身外物所剩無幾，確實會分外赤裸地呈現出每個人有唔同嘅寄託，例如書籍、報刊、新聞、睇電視同聽電台節目，都有唔同嘅選擇，亦以呢啲習性去同人溝通，所以若對外間世界無欲求，又或者對人事與情感不存在想像與期望，自不然也沒能耐為明天憂慮，那才是至為煎熬嘅境況。
佢認為，意會「與明天的憂慮共存」對未來依然抱有想像，值得肯定之餘，同時又不至於憂慮得太多，以致過於放大不安與忐忑，甚或被其吞噬喎。黃之鋒果然係坐監老手，坐到分享心得㖭。
收藏
取消收藏
分享
