實施近3年的口罩令今日（3月1日）起全面撤銷，室內、室外及公共交通工具都不必佩戴口罩，生活完全復常！旋即引起網上熱議，有人話會即刻唔戴，有人話會繼續戴，至於原因可謂五花八門。
昨日有人喺連登討論區以「口罩令解除 有幾多人仲會戴罩？」發帖，獲不少網民留言，有人表示唔會再戴口罩「唔戴啦，最好青春嗰幾年都比個罩遮住」、「真係好辛苦，焗到皮膚勁差，身邊有人有濕疹嗰啲仲慘」。
不過，亦有網民話戴口罩已經成為習慣，「應該會戴多排啦，起碼坐巴士果陣應該都會戴，去啲空曠啲嘅地方就會除」、「未中過，所以會keep住戴」、「搭車會戴」、「夏天頂唔順先算」。另有表態會戴口罩嘅網民就話為咗清貨，「仲有三盒口罩會想用埋先」、「諗緊點清屋企啲口罩同快測棒」。
至於連登仔最關心莫過於女生會否除口罩見人，有人估「9成嘅女都會戴」、「哨牙闊面女神一定帶」、「戴咗口罩變公主，除咗口罩變番薯」。
收藏
取消收藏
分享
稿件由上傳 · 文責自負 · 不代表本網立場
