最近有網民於Facebook分享自己在旺角街頭拍攝的日落美景，不少人大讚超靚，更有人指可以媲美「曼哈頓懸日」，因此吸引了不少攝影發燒友去拍攝！「旺角懸日」每年2月尾及10月中出現，在旺角東亞皆老街近洗衣街行人天橋上，正好拍攝到落日在兩側高樓間下沉，美景堪比美國「曼哈頓懸日」。龍友為捕捉美景，近日帶齊架生往橋上擠，成為「你站在橋上看風景，看風景人在樓上看你」，充滿民初詩韻的城市一隅。
看龍友裝飾了別人的夢，網民以「太誇張喇啩」為題上載迫爆天橋相。回應的網友均替老天橋與天橋上的人捏一把汗，擔心「條橋會唔會塌？！」、「眾地莫企，見有裂痕，建築部門是否需要check下個橋樑結構」、「咁多年歷史嘅行人天橋，一下子現人山人海蜂湧，加埋自由行的趁墟遊客，橋樑結構與人群安全令人堪慮」、「突然間條橋聚集咁多人，因住條橋負荷唔到咁就大乜鑊啦」。
另有人在懷緬舊事，「其實個條路呢，廿幾三十年都已經係咁多人行又窄，而家仲要有班人係度影日落.....點解廿幾三十年前又唔見咁多龍友嘅......」、「N多年前路過都影過，效果唔錯，當時冇乜人會停低影。估唔到今時今日成為旺角攞景勝地」、「條橋好多年了，我讀中學前已經有，而家我做埋人呀媽了」。
有人則實際地嫌龍友阻路，「阻住人哋行」、「同區議員反映，加設觀景台啦，路已經唔闊，放工時間阻住人行㗎」、「靚係靚，但理下人感受囉」。
收藏
取消收藏
分享
