無綫《新四十二章》進入結局篇，昨晚（23日）劇情講述戴耀明（明仔）飾的施朗潛行柯家遇上都叔（鄭家生飾）出手阻撓，最終鄭家生使出盡「無情掌」後將其送出家門，並施展招牌「飛天絕技」，由於彈得又高又遠，再度折服網民：「真係好勁」，「冇揸流攤」。
與家生對打的明仔，受訪時透露該場僅一分鐘的對打戲，由晚上8點拍至凌晨5、6點，難度在於因為要符合劇情免吵醒熟睡的柯太，故二人要全程靜雞雞武鬥，相當搞笑：「主要時間都花喺夾Timing度，例如花樽跌落地係快係慢其實控制唔到，攝影師都辛苦咗成晚。」他搞笑指打戲幾乎全親身上陣是為了贏得更多大頭鏡頭，之後再正色補充謂：「入行30年打得最甘今次，因為要話畀人知電視演員唔係吓吓用替身。我都50歲，一係唔好打，一打就盡力而為，所以盡量親身上陣。同埋好多人覺得電影打得勁過電視，我係有少少唔憤氣，都希望大家覺得我哋電視藝人係似樣嘅。」
明仔又謂由於拍攝時受傷不計其數，日積月累下令自己驚現「骨癌」疑雲，自己嚇自己：「其實就係呢套嘢打吓撞吓搞到啲骨突咗出嚟，當時嚇到鼻哥窿都冇肉，後尾知道係骨膜受傷發炎。」
（點新聞特約記者陳惠芳報道）
收藏
取消收藏
分享
