劇集《廉政狙擊》昨晚（20日）開播，首集已有連串精彩大場面，包括大廈倒塌、飛車，而棚架追逐戰更由王浩信親自上陣。
王浩信與劇中大反派的飾演者江榮暉先從單位內相繼飛躍出窗口，再在狹窄的棚架中穿梭、追逐及埋身肉搏，其間還要在下塌的棚架中扭打兼大聲講對白，對二人都是體力、演技及記憶的三重考驗。由於場口拍攝有一定難度，劇組除了安排替身，正式埋位前亦仔細同演員講解走位及注意事項，王浩信全程除了用心聆聽，正式「上架」前又與武指鑽研好每個動作，正式拍攝期間亦有兼顧拍檔江榮暉的安全，相當專業。
花絮所見，王浩信體能相當好，除了擒高爬低冇難度，手上的麒麟臂更是相當吸睛。浩信受訪時透露這段戲剪出來只有約半分鐘，但足足拍了一整天：「由朝頭早拍到夜晚收太陽之前，最難忘係我哋封咗成條街去做呢件事，無論資源同街坊都配合得好好，最後冧棚嘅效果都要多謝動作指導設計得非常之好。」談到要在如此狹窄的空間追逐及打鬥，浩信坦言有難度：「但我又覺得要畀驚喜觀眾，梗係要向高難度挑戰啦，其實我自己幾鍾意拍動作戲，所以呢場戲我拍得好開心。」再問其十隻手指為何黐滿膠布，他則回應：「始終棚多『摻』刺，所以黐膠布避免刮傷。」
（點新聞特約記者陳惠芳報道）
相關報道：
收藏
取消收藏
分享
