梁詠琪（Gigi）《時間遇上我們》演唱會，尾場於昨晚（19日）上演，更邀得天后鄭秀文（Sammi）擔任嘉賓，兩位天后合體，單是衣着已狂吸觀眾眼睛。
Sammi穿上紅黑色一字膊連身裙現身，全場哄動，其衣着與純白色裙的Gigi形成強烈對比，二人合唱《蕩失》和《我們都是這樣長大的》。Sammi又說:「我今日挑選這衣服是來襯你，『黑白雙煞』。而且我呢條裙有意思，你唔覺好似一隻蝴蝶咁樣，我覺得Gigi喺我心目中就好似一隻蝴蝶，於不同時間與不同的人，在人生旅途上面都有一種蛻變，並在不同時間交畀佢最鍚嘅歌迷，就好似一隻蝴蝶不停不停咁蛻變。」Gigi對Sammi的衣服都讚嘆不絕。Gigi笑指Sammi是「睇住我入行嘅朋輩歌手」，說入行時經常聽Sammi的歌，Gigi更表示Sammi是她一位很欣賞的歌手及演員，做任何事情都十分認真，更感謝Sammi為了她的演唱會特地去練習了《蕩失》一歌。
Sammi於7月紅館開唱，她於台上興奮地說：「7月開演唱會，嚟睇啊！嚟睇啊！」而Gigi亦笑說：「7月，好啊，我哋一齊包咗一場，祝你演唱會順利。可以同Sammi每一次係台上演出都係一種榮幸，一種光榮。」
此外，商台DJ梁文禮日前睇完Gigi頭場演出之後，分別於兩個社交平台貼文，一個是讚她，一個是踩。其中踩Gigi寫道：「個flow差，歌編得差，舞差，當然佢唱得差啦~其實都預咗，但係無諗過咁離譜，唱K咁！！連《愛自己》都入唔到呀大佬。我全晚都睇得好掹，坐立不安……唯一想讚嘅係，佢短頭髮真係好靚好襯佢，身形好，將啲醜嘅衫都carry得好，好似呢件『着上一張抹完鼻血嘅紙巾』咁。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
