不少黃絲家長都對英國教育都趨之若鶩，以為必定能教出紳士淑女。但有移英嘅港媽在實際領教過後，才大呻「我真係接受唔到！」，皆因個仔話用衫袖抹鼻涕係老師教，直斥「英國人揦鮓唔代表我哋要跟佢揦鮓」。
該名移英港媽嘅帖文一出，即引嚟大班移英家長圍爐吐苦水，話「唔意外，教要抹已算好，有老師教B女『去完小便唔洗洗手，去完大便先要洗手』、「其實最最最令我驚嘆嘅係，我見過一個local白人呀媽，叫佢個似4歲嘅女，喺樹底下施液體肥料囉」、「所以我小朋友上次眼過敏一星期，今次嘴邊過敏咗幾日腫晒，太污糟」。
另有移英黃絲留言直指，英國人衞生習慣差，「用手指舔口水數錢、揭書、卒甩白板上字，真係接受唔到佢哋真心覺得口水係萬能」、「個個都周街放飛劍」、「仲有個個都咬手指甲，大人細路都咬」。
收藏
取消收藏
分享
