攬炒派前元朗區議員張秀賢被踢爆「借錢唔還」兼「變節」！曾同張秀賢一齊創立學民思潮、現正還柙嘅黃之鋒亦不耐寂寞喺獄中撰文湊熱鬧，話今時今日人們對他的評價，早於10年前已有跡可尋咁話。
黃之鋒嘅社交平台上載咗一篇佢嘅千字文，話其實「學民思潮」運作將近五年，張秀賢只待過一年半左右。他提到早於2013年「學民」內部換屆選舉，當時張秀賢未能連任學民發言人，期間發生兩件事情值得斟酌，其一係張喺書展經「Roundtable」推出新書《90後是咁樣的》文集，當中八成輯錄文章都係來自多位學民成員撰寫，然而所得版稅卻由張一人淨袋，惹起組織內非議；其二喺換屆投票前嘅質詢環節，張既不承認亦不否定自己有跟「中間人」打交道，遭同儕質問時亦只是含糊其詞，支吾以對卻又情緒激動，結果落選後就退出「學民」。
黃又話到2014年非法「佔中」，其間同政府官員面談嘅5個學聯代表並唔包括張秀賢，「據悉亦跟同輩擔心他與中間人過從甚密有關」。黃之鋒最後話，政治上如果突然靠攏光譜另一邊，可能係本來的圈子風評甚差，簡單來說就是相當「伏」的人喎，真係一地花生。
收藏
取消收藏
分享
稿件由上傳 · 文責自負 · 不代表本網立場
