點新聞 ｜ 每日點新聞 點解香港事

張敬軒「軒公」下周三（2月1日）生日，一班歌迷舉行展覽為他提前慶生，過了一個不一樣的生日，軒公感恩粉絲對他的無限支持。

軒公現身展覽，現場除有他的巨型照片外，更有以其賀歲片《超神經械劫案下》中角色「有成」製成的蛋糕。他應歌迷要求清唱《賽勒斯的愛》，現場過千歌迷亦以一曲《櫻花樹下》作回禮。

軒公對歌迷安排大受感動，更感謝大家過去一年對其音樂、演唱會及電影的支持，他說:「有時我自己啲歌、演唱會唱得唔好，自己嘅歌做得唔滿意，甚至乎呢套戲有『沙石』，但我有班粉絲好努力撐我，我好感恩。世界有咁多人和出色藝人，但大家選擇跟我、支持我，好多謝大家。唱歌、做演唱會都不一定有觀眾，又唔係所有人鍾意自己，我有這份運氣會額外珍惜。好感恩大家可能買少咗一件自己嘅心頭好，或者慳錢去睇我個騷支持我，所有情意，我會永遠放在心裏。」

軒公坦言今年特別想跟歌迷過生日︰「3年疫情我開了3次演唱會，中間都有好多阻滯，但每一次重開，大家都加倍支持。今年還見到好多新面孔，跟粉絲心靈交流好重要。雖然我不是經常出來、或不在香港，但大家在生活當中，張敬軒都會起到一個支撐作用，精神層面又好、心靈層面都好，我與大家同在，多謝大家。」

（點新聞特約記者陳惠芳報道）