陳茵媺（Aimee）復出與陳豪以夫妻檔合作拍劇《羅密歐與祝英台》，Aimee昨日(16日)於社交網上載煞科戲的花絮片段，更有同陳豪頭貼頭合影。他們其後接受無綫娱樂新聞台訪問，陳豪直言他是抗拒夫妻檔合作，笑言可一不可再。Aimee則自爆大兒子反對她復出。
陳豪再強調不太願意再夫妻檔合作的想法沒變，「我哋想法冇改變過，站在演員同觀眾角度，我們都係抗拒呢件事。雖然今次監製知道我哋嘅想法，特別設計個角色，但如果再經常合作，我驚破壞咗觀眾嘅幻想。作為演員，我覺得Aimee係難得嘅好演員，之後點發展應該交番畀佢話事。」
Aimee則稱復出拍劇後愈拍愈順，令她戲癮大發，但兒子卻非常反對：「我大仔好唔鍾意我拍，佢仲教我返到公司特登做差啲，炒我魷魚就唔使返工，可以留家陪佢哋。」
（點新聞特約記者陳惠芳報道）
收藏
取消收藏
分享
