張敬軒（軒仔）早前舉行個唱期間確診，經過個多星期休養後近日復工，今日（9日）他會見傳媒時精神奕奕，並表示早前取消的演唱會場數將於6月復辦。他又言復原後出現腦霧後遺症。
軒仔說，發病時高燒至40度，因血含氧量低一度想入院，幸翌日起床後已沒大礙：「So Far我冇喉嚨痛，只係有鼻水同埋發燒，到好番先咳，第7、8日變一線。」
被問及6月個唱會否拒收粉絲禮物防止被再度傳染，張敬軒說：「都會，因為病情搞到個人好疲倦，所以我會好珍惜，好似今次開騷，唔知下次幾時再開，見到粉絲送禮物同公仔，我做唔出就咁樣擺喺枱上面，但我媽咪就打電話嚟鬧我，其實好難，自己都做過粉絲。」
對於個唱延至6月補數，他預告將有新元素及新歌衫，亦計劃加場，「如果加場會加喺前面，因為有粉絲話要真尾場。（點解要延到年中咁遲？）諮詢過啲醫生，以及要配合不同單位，因為通關之後唔知個疫情會點樣，覺得呢個期係比較適合，我想同受影響嘅觀眾講對唔住，我會再睇緊自己，希望粉絲見諒！」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
