世界上「邊有咁大隻蛤乸隨街跳」，話說HOY 資訊台78台全新節目《全世界睇住》早前邀請資深驗樓師詹濟南（詹Sir）檢驗一間位於英國伯明翰的900呎別墅，樓齡不足30年，只售200萬港元。惟經詹Sir一檢就知點解會咁平，皆因別墅存有7大問題！
該別墅位於伯明翰西面B17區哈本（Harborne），一共有3間睡房、客廳、廚房，屋主更揚言可以低於市價放售！詹Sir一入屋就發現屋內下層牆身批盪全部空殼，地面原來不是瓷磚，只是鋪上膠墊模，詹Sir推測地面下應該只是鋪上了英泥沙。
詹Sir走進廚房發現，有門連鎖都無埋，牆身的瓷磚則全是空心，櫥櫃膠膜亦相當破爛。打開洗手盤下的櫥櫃時一看，見裏面擺了一個水桶，詹Sir馬上直言「唔睇都知漏水啦」！之後,走到上層的浴室，詹Sir即話「唔使問阿貴，肯定有水漏到浴缸底」，指浴缸無故加粗膠邊，明顯是曾經出現漏水問題。至於洗手盤只出冷水，而另一邊的熱水則沒有，代表下一戶住客需要自行重新接駁熱水喉。
另外，該別墅設有後花園，但專業樹藝師詹婉婷（Jessica）指出後園的一棵蘋果樹跌落不少腐爛果實，容易引來病蟲害。周圍亦有大量雜草，大門前園更有一個螞丘。睇嚟下一戶住客需要花錢進行大翻新裝修喇。
收藏
取消收藏
分享
稿件由上傳 · 文責自負 · 不代表本網立場
