無綫《萬千星輝頒獎典禮2022》將於本周日（8日）晚舉行。各組別獎項提名藝人日前先後盛裝雲集電視城，為官方場刊拍攝宣傳照。當中角逐「女主角」及「女角色」的陳瀅，除了華麗戰鬥格晚裝外，另一襲貼身超短花裙更是「神秘中空」設計，相當吸睛。
提名「女主角」的唐詩詠，其胸前的華麗閃石點綴亦相當搶焦，除了兩位「準視后」外，麥美恩則以高衩透視閃耀晚裝迎戰，其心口的透視設計更令其美好身段若隱若現。而劉佩玥（Moon）及郭柏妍（Rosita）齊齊殺入女飛躍提名，競爭激烈。除了個人獎項提名，阿Moon還與林盛斌提名「電視拍檔」獎項。為隆重其事，阿Moon先後以三大亮麗造型拍攝場刊，既有性感高貴風格，亦有青春可愛路線。Rosita笑言希望與妹妹羅毓儀齊奪女飛躍：「上年有兩個男飛躍，今年唔知會唔會有兩個女飛躍？」
憑「反骨琪」成為「女配角」大熱的蔣家旻說：「最近我化妝師幫我化妝，叫我keep住『反骨琪』，我好少好smoky eyes，佢亦都唔係好想我用黑色，我哋用咗啡色眼影。所以最近見我嘅妝容都係偏向反骨啲，好似台慶啦、影頒獎禮場刊啦。」
「女飛躍」除了有不少港姐級人馬及新面孔外，還有歌唱界的炎明熹（Gigi）及JW王灝兒，出名搞笑的Gigi，埋位拍照時即九秒九進入Cool爆Mode；至於JW除了以極低調的透視裝上陣外，更擺出「瞓身」甫士，盡顯盡地一鋪爭獎的決心。
（點新聞特約記者陳惠芳報道）
收藏
取消收藏
分享
