眾所周知，職場是最容易滋生婚外情的地方！一名人妻日前在網上發文，大呻公司有女同事每日亦不斷「胸壓」丈夫，但丈夫又唔知避忌，令她感到心淡想離婚，但她又唔想轉工喎，所以十分棘手。
該名人妻日前向fb專頁「奴工處」投稿，指自己與丈夫在同一間公司、唔同部門工作。她發現，最日有一名女同事不停「姣媾」丈夫，「用胸壓佢日日黐實佢」，而丈夫的反應卻令她十分失望，「我先生亦唔知避忌又或佢都想出軌」。人妻感到心淡並有意離婚，但仍因一個原因而猶豫未決，「唔想轉工，唔轉工又會日日對住佢哋」。
此事引來網民熱議，有人認為「明知老婆喺隔離，2個都當無嘢，應該都有啲嘢」、「你見到胸壓唔即刻出聲嘅？擺上來講無用㗎喎」等，有人則好言相勸「咁你有冇同你老公傾過？如果你哋每日都放工一齊返屋企，私底下佢哋兩個又冇出去，咁簡單已經想離婚？」，另有人建議「可以試下拎住出軌證據同hr傾，未必走果個要係你」。
收藏
取消收藏
分享
