凍齡有術的向海嵐（Anne）早前入股保健產品，由星級代言人「升呢」兼任老闆娘。Anne日前以一襲低胸長裙為產品拍攝廣告，期間更度身訂造多個拗腰、曲腿等高難度「甫士」。
今次廣告拍攝，Anne既出錢又出力，她說：「擺咗好多心機喺今次拍攝中，由度橋、造型、硬照設計，到「甫士」上都有一齊參與研究，想出嚟效果同其他品牌『不一樣』，亦希望見到一個『不一樣』的向海嵐，然後就記得產品。」拍攝期間，Anne擺出多個高難度「甫士」，她笑指這些「甫士」跟人體工學相反：「好多人唔知，影相啲甫士唔係正常人可以擺到，可能腳喺呢邊，個身喺嗰邊，同人體工學係相反，但最緊要出嚟效果靚，拍攝前，我用咗兩星期練習擺甫士，所以先做到咁多高難度動作。」
除此外，Anne還花了三星期Keep Fit，她謂：「之前過咗自己生日月，再加上有好朋友外國返嚟，差不多連續兩個月不停咁食，短短時間重咗8磅，為咗今日拍攝，事前努力Keep咗三星期，食少啲嘢、勤做運動，因為知道今次拍攝會見到手臂、心口。」Keep Fit過程中有否遇上困難？Anne笑言幸好自己有個「優勢」，能夠「一白遮三醜」，她表示：「平時覺得自己係呃到人，對我嚟講個個部位都好難Keep，特別手臂、肚、腰等，但知道自己優勢係對腳見得人，每次只要着短褲或短裙，大家都會覺得我好瘦，所以就算肥咗好多，可能大家未必睇到，但我自己會知。」她又提到「升呢」做老闆娘，要計成本及效益，坦言會有壓力。
（點新聞特約記者陳惠芳報道）
收藏
取消收藏
分享
