英國近期受寒潮侵襲，不少移民英國的港人都話電費加上天然氣費貴到爆，感到「真心驚」。有移英YouTuber就拍片教人點樣慳住來對抗寒冷的冬天，然而方法卻只是煲熱水整暖水袋，冚電暖氈取暖，再唔係就在室內着羽絨褸喎。
移居英國的YouTuber「CoCo哥」拍片分享心得，指家中11月的暖氣費為90英鎊、電費則110英鎊，整個月加起來用了約200英鎊，自言比起其他移英家庭，動輒月花400-500英鎊已少很多。他指要減少開暖氣，首先就係煲熱水，整暖水袋保暖，話睡覺時將暖水袋放進被裡，還暖過開暖氣，好像有點焗桑拿的感覺；另一法寶就係電暖氈，話在客廳冚上電暖氈睇電視的感覺十分爽，但如果都係覺得凍，可以在家穿上羽絨褸保暖喎。
他又分析指，英國很多屋都有個超大水缸，儲存一缸熱水，而要煲成缸熱水兼且恒温是十分浪費能源，所以他選另一款熱水爐combi boiler，雖然儲水量少好多，水壓較不穩，但就慳好多。另外，他又在家中的Radiator(暖氣裝置)安裝了智能水喉開關系統，控制每個裝置的煲熱水時間，坦言亦慳番唔少暖氣費。
收藏
取消收藏
分享
稿件由上傳 · 文責自負 · 不代表本網立場
