無綫萬千星輝頒獎禮日前公布入圍十強名單，當中包括主演《輕·功》的黎耀祥，劇集昨晚（16日）播出一集，身為三屆視帝的他再獻大爆演技。
劇情講到劇組租借大廈拍攝電影，其間黎耀祥飾重遇當年做武師的伙伴對方邀他出山做替身。後來有一場「老婆靈魂離開」的場口，因男主角有事未能拍攝，他自薦同女角對戲，他拿着劇本深情讀出。
祥哥受訪時坦言這場戲算難演，事前必須做足功課背熟對白，因為情緒不能斷開。提到他的角色比較「平」，祥哥坦言不容易演：「收到劇本時個諗法係少啲表演，盡量用自己第一身感受去演個角色，希望可以放大個感受嚟感染觀眾，拍呢套劇最大難處，係擔心做得少可能太少，做得多可能太多，要恰到好處。」講到劇集探討不少親情及人生哲理，祥哥直言很大感觸：「好似預演緊自己人生下半場，一來自己都係戲行嘅人，二來自己有番咁上下年紀，始終有一日要面對自己伴侶嘅離開，面對自己好孤獨嘅人生。同埋劇中描寫咗好多新舊時代嘅對比，亦都探討咗人與人之間嘅相處，以前嘅社會大家比較親切，依家就比較疏離，科技愈發達，人嘅距離就愈嚟愈遠。」
（點新聞記者陳惠芳報道）
收藏
取消收藏
分享
