電影《無間道》今年迎來20周年，最近推出三部曲的4K修復版，並於明日（12日）上映。導演劉偉強、麥兆輝接受上ViuTV節目《爆谷一周》主持谷德昭訪問，大談當年拍攝軼事。
構思劇本的麥兆輝透露，《無間道》啟發自吳宇森荷里活電影《奪面雙雄》：「我覺得好好睇，但唯一令我唔相信有一個手術可以令兩個人換臉。於是我由嗰刻開始諗，有冇一個戲劇嘅方法令兩人交換身份。」後來創作出《無間道》的劇本，不過劉偉強一睇就表示「唔得」，因為最初的電影暫名叫《殺警》。
麥兆輝解釋說：「喺「殺警」之後，working title改咗『無間行者』，但係同日本漫畫撞名，我自細屋企信佛，已經知無間嘅意思，覺得呢個名好啱呢套戲。」至於後來改名《無間道》原來也有段故事，麥兆輝透露，當時林建岳公司開戲有個傳統希望白龍王師傅改戲名，你要畀啲戲名佢揀，跟住提供幾個好雞嘅名。」劉偉強笑說：「我去泰國見師傅，師傅唔識中文，我讀畀佢聽，到《無間道》就大聲啲，咁佢就揀嗰個。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
