開心無敵獎門人｜多人混戰齊變忌廉人　陳嘉慧玩到甩睫毛液

綜藝《開心無敵獎門人》昨日（13日）晚播出，節目嘉賓有「下流上車族」隊的林敏驄、江美儀、郭柏妍、鄧智堅、關曜儁及林景程，以及「法證先鋒V」隊的袁偉豪、洪永城、蔡潔、王敏奕、鄧伊婷、傅嘉莉、林子超、陳嘉慧及許俊豪，其中驄哥更再度光臨。

在「開心無敵開口中」環節中，陳嘉慧「開口中」慘遭驄哥抹忌廉「伺候」，嘉慧更展示留在忌廉上的睫毛液，引得全場大笑。玩到興起的驄哥繼續發功，突然攻擊「獎老」麥美恩，麥美恩不甘示弱即時追向驄哥反擊，最終兩人的私怨變成多人混戰，大家齊齊變成忌廉人。

「開心無敵落大閘」中，整蠱得人多的驄哥反成攻擊目標，分別被指是「衣冠禽獸」及「執二攤」。在「開心無敵爭櫈仔」中，美儀姐多次出招撞開人，就連「阿女」郭柏妍都被無情撞開，洪永城見狀打算扶起郭柏妍，豈料郭柏妍盡得阿媽「蠱惑」，即時搶走洪永城的櫈仔。由於「爭櫈仔」可以靠「爭贏櫈仔」或是「答啱問題」獲得淘汰他人權利，去到尾段，美儀姐索性放棄爭櫈，主攻答問題，最終憑藉精靈表現成為大贏家。

「辣辣壽桃邊個食」同樣笑料十足，郭柏妍搣開辣辣壽桃後，看見全綠的餡料後忽然天真Tone問道：「綠茶味嚟架？」美儀姐聞言雙眼都凸埋：「阿女你冇嘢呀嘛，Wasabi嚟架喎！」

輪到玩「口不對心」時，王敏奕不出兩秒就輸掉遊戲，身為「老爺」的曾志偉竟反讚：「呢啲好女仔嚟，夠誠實，傻得嚟幾可愛。」但最終，敏奕都難逃食辣辣壽桃的命運。